გელათი რეზიდენსი

გელათი რეზიდენსი საქართველოში კერძოდ კი ქუთაისში სასტუმრო მომსახურების ხარისხს ახალ საფეხურზე გადაიყვანს. თანამედროვე დიზაინის მქონე სასტუმრო, რომელიც ქართული ტრადიციების, კულტურისა და არქიტექტურული სტილის ინსპირაციით შეიქმნა, ხელს შეუწყობს იმერეთის რეგიონის ტურისტულ განვითარებას. პროექტის უნიკალურობას მისი ადგილმდებარეობაც განაპირობებს. სასტუმრო მდებარეობს კულტურული მემკვიდრეობის ზონაში და გარშემორტყმულია ქალაქში არსებული რეკრეაციული გამწვანების ზოლით და ისტორიულ კულტურული ძეგლებით.