ჰოლიდეი ინნ თბილისი

1976 წელს აშენდა შენობა, სადაც გაიხსნა სასტუმრო „აჭარა“. იმ პერიოდში ეს სასტუმრო არა მხოლოდ საქართველოში, არამედ მთელს ამიერ კავკასიაში ერთ-ერთი უმსხვილესი სასტუმრო იყო. 2010 წელს, ამავე შენობაში გაიხსნა სასტუმრო Holiday Inn, რომელიც IHG ჯგუფის (Intercontinental Hotels Group) წევრია. სასტუმრო 21 სართულზეა განლაგებული და 270 ნომერი აქვს. სასტუმროში განთავსებულია რესტორანი „აჭარა“, რომელიც 100 ადამიანს იტევს და სასიამოვნო ატმოსფეროსთან ერთად, ქართულ და ევროპულ სამზარეულოს სთავაზობს. ამას გარდა, სასტუმროს ტერიტორიაზე ფუნქციონირებს სეზონური ღია აუზი და შეხვედრებისა და ღონისძიებების ჩასატარებლად განკუთვნილი 8 მრავალფუნქციური დარბაზი, სადაც ყველაზე მცირე დარბაზი 15-20, ხოლო ყველაზე დიდი – 250 ადამიანს იტევს.