მეღვინეობა იორა

„იორა“ არის მეღვინეობა და სასტუმრო კახეთში, საგარეჯოს მუნიციპალიტეტის სოფელ ნინოწმინდაში - ადგილი, სადაც ქართული ბიოღვინო, ბუნება და დასვენება ერთ სივრცეში ერთიანდება. თბილისიდან სულ რაღაც 30 წუთის სავალ გზაზე მდებარე იორა იდეალურია როგორც ერთდღიანი ტურებისთვის, ისე მრავალდღიანი დასვენებისთვის. სტუმრებს ვთავაზობთ კომფორტულ და კეთილმოწყობილ ნომრებს, ტერასებს ულამაზესი ხედებითა და მშვიდ, იზოლირებულ გარემოს ბუნების შუაგულში. იორას სივრცე გარშემორტყმულია ტბის ხედებითა და ბუნებრივი ლანდშაფტით, რაც განსაკუთრებულ სიმშვიდისა და თავისუფლების შეგრძნებას ქმნის. აქ დაგხვდებათ ღია აუზი ბარით, დასასვენებელი სივრცეები და მრავალფეროვანი აქტივობები, რომლებიც თქვენს სტუმრობას კიდევ უფრო დასამახსოვრებელს გახდის. სტუმრებს შეუძლიათ ისარგებლონ პადელის კორტებით, მაგიდის ჩოგბურთითა და ველო ბილიკით, ხოლო იორას უნიკალური გარემო იდეალურია როგორც აქტიური დასვენებისთვის, ისე ფოტოგრაფიისა და განტვირთვისთვის. იორაში ასევე შეგიძლიათ დააგემოვნოთ ავთენტური ქართული ქვევრის ბიოღვინო, რომელიც ადგილობრივი ვაზის ჯიშებისგან ტრადიციული მეთოდით იწარმოება.