ლაგაზი

2014 წელს ნათია და შოთა ქალაქის ხმაურიანი ცხოვრებიდან სოფელ ალვანში მამა-პაპისეულ სახლში გადაცხოვრდნენ, სადაც მარნის ღვინის წარმოება და ქართული ჯიშის ხორბლების - ჭველის, დოლის, შავფხას და დიკას მოყვანა დაიწყეს. მოგვიანებით კი გადავწყვიტეს მიეღოთ სტუმრები ღვინის დეგუსტაციაზე და სადილზე. ზემო ალვანში თუშები ცხოვრობენ და შესაბამისად, მათი მენიუ დატვირთულია ძირითადად თუშური კერძებით - მწყემსური ყაურმა, კოტორ (თუშური ხაჭაპური), თუშური ხინკალი, დათხური , გორდილა და თუშური სამკუთხა პური -ეს ის კერძებია რომელიც “ლაგაზში” მისულ სტუმარს ხვდება და სურვილის შემთხვევაში მასპინძელთან ერთად ამზადებს. სტუმრებს შესაძლებლობა აქვთ დააკვირდნენ პურის ცხობის პროცესს ძველი ქართული ფქვილით, მოინახულონ ხორბლის ყანა და წისქვილში ფქვილის დაფქვას დაესწრონ.