ღვინის ოსტატები

WINE ARTISANS ბუნებრივი ღვინის მარანია გორის მახლობლად, რომელსაც ანდრო ბარნოვი — „ღვინის მზარეული“ — უძღვება. ჩვენ მხოლოდ ორგანულად მოყვანილ ყურძენთან ვმუშაობთ და მევენახეობა-მეღვინეობის ზედმიწევნით ჰიგიენას ღვინის დაყენების კულინარიულ მიდგომასთან ვაერთიანებთ. ჩვენი მიზანია ცოცხალი, ბუნებრივად მდგრადი ღვინოების შექმნა — ღვინოებისა, რომლებიც ბოთლში დიდხანს და ლამაზად ვითარდება, ჭიქაში თანდათან იხსნება და თავისი ტერუარისა და მოსავლის წლის ამბავს გვიყვება. თითოეულ მათგანს საკუთარი ხასიათი და მეღვინის გამორჩეული „კულინარიული ხელწერა“ აქვს. ყურძნის კანთან, წიპწასთან, რბილობთან, წვენსა და კლერტთან განსხვავებული მიდგომებით გემოებისა და არომატების ფართო სპექტრს ვიკვლევთ. ყოველწლიურად ჩვენს მარანში 15-მდე ჯიშის ყურძენს ვაყენებთ და მრავალფეროვან ბუნებრივ მშრალ ქარვისფერ, წითელ და ვარდისფერ ღვინოებს ვქმნით.